Les mots surlignés font l'objet d'une note
1Monseigneur, jay ce jourdhuy recept selle quil vous a pleu
2mescripre du IIIe de ce moys, au contenu de laquelle ne puys presentement
3faire reponce pour navoyr parlé à messieurs du pays, lesquelz en prendront
4telle resolution quil leur playra ; car ce que vous en escripvis
5au commencement pour la desmolition des chateaulx de Moyrens et
6de La Coste, le feust soubz le dicte et advys de monsieur le
7president de Portes estant au second bureau, parce quil me
8sembloyt quil faisoyt faire de deux choses lune : ou bien conserver
9et remectre en deffence lesdits chateaulx, ou bien les desmanteller de
10tout, mesme que nestant que bien peu ouvertz, ilz se pouvoyent
11dans bien peu dheure fortiffier et mectre en deffence. Toutesfoys,
12je men remectz à eulx. Je vous envoye la veriffication de voz
13lettres de capitaine de Granne, lesquelles on ma remyses bien à propos,
14mesmes avant que mon estat feust dressé de lannée presente,
15joinct aussy que La Roche demandoyt payement de son quint et
16men escripvit du XVe du passé. Jestime que pour ses arreraiges,
17incourus, aiant votre provision, vous ny aurés point dinterestz.
18Toutesfoys, il vous playra men escripre votre volunté car il
19ny sera faict ny plus ny moings. Je vous envoye aussi une
20memoyre que jay dressée pour le surplus de voz affaires dudit
21Grane, suyvant ce que par votre precedente lettre mescripviés suyvant
22laquelle vous porrés prendre resolution du chemyn quaurés à tenir
23mesmes pendant que monsieur du Chastellard y est encores ;
24et si eusse esté adverty de votredite volunté, jeusse dressé les
25intention, lesquelles monsieur de Brianson dressera aussi trop
27myeulx. Et pour mon regard, j’offre obéyr à tout ce
28[107 v°] quil vous plaira me commander de telle affection que, après
29vous avoyr salué de mes plus qu’humbles recommandations à votre bonne
30grace, je prie le Createur,
31monseigneur, vous conserver en parfaicte et très heureuse santé.
32De Grenoble, ce Ve febvrier 1574.
33Votre plus qu’humble serviteur
34P Gratet